Reseıde áıel balasyn ıtshe jetektep júr
ASTANA. QazAqparat - Ekaterınbýrgte áıel kishkentaı qyzdyń moınyna arqan salyp, kóshede ıtshe jetektep serýendep júr. Búldirshin kúnde osylaı júrip daǵdylanǵandaı, tórt aıaqtaǵan júrisi erkin ári tyń.
Polıtseıler ekaterınbýrgtik Alekseı Vlaskın túsirgen beıne jazbany tekserýde, dep habarlady E1.ru. portaly.
«Olardy 20 shildede tústen keıin «Zelenaıa Roşa» saıabaǵynda keziktirdim. Fýtbol alańynda serýendep júrip, osyndaı túsiniksiz jaǵdaıdyń kýási boldym. Arttarynan 10 mınýttaı baqyladym. Bala tórt aıaqtap júgirip júrýinen tanbady. Basqa balalar oǵan nan usynsa, ol balalarǵa ıt sııaqty júrgirip aldaryna barady», - dedi Vlaskın.
Tártip saqshylary áıel men balanyń kim ekenin anyqtaýǵa tyrysýda. ІІM Sverdlovsk oblysy boıynsha MM Kámelettik jasqa tolmaǵan balalar isi boıynsha qyzmet vedeorolıkti zerdelep jatyr.
