Reseıde avtokólik satyp alýǵa otbasylyq sertıfıkat berilýi múmkin

Reseıdiń lıberal-demokratııalyq partııasynyń bir top depýtaty eńbek, áleýmettik saıasat jáne ardagerler isi boıynsha dýmalyq komıtet tóraǵasy ıAroslav Nılovtyń basshylyǵymen balasy bar jas otbasyǵa Reseı shyǵaratyn avtokólikti satyp alýǵa sertıfıkat taǵaıyndaý tártibin retteıtin zań jobasyn palatanyń qaraýyna tapsyrdy. Kazinform bul týraly Tass.ru basylymyna silteme jasap habarlaıdy. 

Depýtattar «Avtokólik satyp alýǵa arnalǵan otbasylyq sertıfıkat» zań jobasyn jasap shyqty. Onda jas otbasyǵa bala dúnıege kelgennen keıin belgili bir somaǵa otandyq óndiristegi avtokólik satyp alýǵa múmkindik beretin sertıfıkat taǵaıyndaý erejelerin bekitý usynylǵan. Mundaı sertıfıkatty otbasynyń ortaq tabysy aldyńǵy jyly 3 mln rýblden aspaǵan adamdar alýǵa bolatyny aıtylǵan.

Sondaı-aq zań jobasynda otbasylyq sertıfıkattyń nomınaldyq quny 1 mln rýbl kóleminde bolatyny jazylǵan.

Avtorlardyń pikirinshe, zań jobasyn qabyldaý eldiń demografııalyq jaǵdaıy men týý kórsetkishin arttyryp, otandyq avtokólik jasaý salasyn damytady.