Reseıde avtokólik ónerkásibin damytýdyń jańa strategııasy bekitildi
MÁSKEÝ.KAZINFORM - Reseı Úkimeti avtomobıl ónerkásibin 2035 jylǵa deıin damytý strategııasyn bekitti. Bul týraly RF Premer-Mınıstri Mıhaıl Mıshýstın málimdedi, dep habarlaıdy Kazinform agenttiginiń tilshisi RF Úkimetiniń saıtyna silteme jasap.
– Birqatar qabyldanǵan sheshimderdiń arqasynda salanyń kásiporyndary búginde turaqty jumys istep tur. Ótken jyly olardyń jıyntyq óndiris kólemi 830 myń avtokólikke jetti. Bul sanktsııalar engizilgen 2022 jylǵy kórsetkishten eki eseden astam joǵary, – dedi ol.
– Osy saladaǵy sharalardyń tıimdiligin arttyrý úshin Úkimet avtomobıl ónerkásibin damytýdyń jańartylǵan strategııasyn bekitti. Qujatta negizgi basymdyqtar men tıisti nysanaly kórsetkishter, onyń ishinde barlyq segmentterde óndiris kólemin eselep arttyrý kózdelgen, – dedi RF Úkimet basshysy RF vıtse-premerlerimen ótken keńeste.
Buǵan deıin Qazaqstannyń avtomobıl óndirisiniń tolyq tsıklin qalyptastyrý baǵytynda atqaryp jatqan jumystary týraly jazǵan bolatynbyz.
