Reseıde avtobýs aýdarylyp, 13 jolaýshy zardap shekti

NIJEGOROD OBLYSY. TASS-QazAqparat – Reseıdiń Nıjegorod oblysynda jolaýshylar avtobýsy aýdarylyp qaldy. Kólikte 35 adam bolǵan, dep habarlaıdy QazAqparat TASS agenttigine silteme jasap

«Tańǵy saǵat 06:10-da Tómengi Novgorod-Ivanovo jolynyń 333-shi shaqyrymynda avtobýs júrgizýshisi kóktaıǵaqty eskermeı, joldyń shetine shyǵyp ketip, aýdarylyp qalǵan. Avtobýs Ivanovo qalasyna tapsyrys boıynsha bara jatqan. Onyń ishinde 34 jolaýshy men júrgizýshi bolǵan», - dedi oblystyń jol qozǵalysy qaýipsizdigi memlekettik ınspektsııasynyń baspasóz qyzmeti.

13 jolaýshy jeńil jáne orta deńgeıdegi jaraqat alǵan, qalǵandary aman.

«Jol-kólik oqıǵasynyń saldarynan 12 adam aýrýhanaǵa jatqyzyldy», - delingen habarlamada.

Nıjegorod oblysy gýbernatorynyń orynbasary – densaýlyq saqtaý mınıstri Davıd Melık Gýseınovbir adamnyń avtobýs salonynda qysylyp qalǵanyn málimdedi.

«Bir adam oryndyqtar arasynda qysylyp qalǵan, shyǵarylǵannan keıin ol Balahnanyń ortalyq aýdandyq aýrýhanasyna jatqyzylady», - dedi Melık Gýseınov.