Reseıde avtobólshek óndirýshileri jumysyn toqtatady
ASTANA. QazAqparat - Reseıde avtomobıl satylymynyń tómendeýi Reseıdegi avtomobıl bólshekterin óndirýshiler naryǵyna da keri yqpal etýde. Olardyń keıbiri jumystaryn toqtatty, dep habarlady RBK.
RF Ekonomıka mınıstrliginiń derekterine súıensek, barlyǵy tórt óndirýshi jumystaryn toqtatqan, al qalǵan 30-y Reseıde zaýytty iske qosý josparlaryn júzege asyrmaǵan. Vedomstvoda kompanııalardyń ataýy atalmaıdy, alaıda «Kommersant» basylymy áńgime Tatarstanda zaýyt salyp, ony iske qospaǵan frantsýzdyq Faurecia (negizgi aktsıoneri PSA Peugeot-Citroen) jaıynda ekenin rastaıdy.
Oqıǵanyń basty sebebi avto bólshek óndirýshilerdiń memlekettik qoldaý tek avtokontsernderge kórsetilip jatqanyna narazylyǵy deýde. Atap aıtqanda, úkimet áli kúnge deıin valıýtalyq táýekeldi óteıtin koeffıtsıent máselesin pysyqtamaǵan.
Basylym bólshek óndirýshileri qurastyrý týraly kelisimde qoldanylatyn komponentterdi (keıinnen eksporttalatyn) qurastyrý kezinde qurylǵan qosymsha qundy oqshaýlaý formýlasyn engizýdi suraıtynyn jazady. Ekonomıka mınıstrliginde oqshaýlaý esebi kezinde eksporttyq óndiristi paıdalaný usynysy qaralyp jatqanyn rastady, alaıda naqty sheshim ázirge qabyldanbaǵan.
Ulttyq avtokomponentter óndirýshileri qaýymdastyǵynyń bas dırektory Mıhaıl Blohın formýladaǵy ózgeris Reseıde óndirisin oqshaýlaýdy josparlaǵan sheteldik óndirýshige qosymsha serpin berer edi dep sanaıdy. Óz kezeginde, EURussia Partners aǵa áriptesi Ivan Bonchev bul tek qurastyrý týraly kelisim merzimi aıaqtalǵanǵa deıin, tek úsh jylǵa ǵana dep atap ótti.
