Reseıde avıatsııalyq daǵdarys saldarynan 11 myń týrıst zardap shekti

ASTANA. KAZINFORM – Reseı áýejaılarynda 5-7 maýsym aralyǵynda bolǵan aavıatsııalyq daǵdarys saldarynan 11 myńǵa jýyq týrıst reısterdiń ushyrylmaýy nemese keshiktirilýi jaǵdaıyna tap boldy.

Bul týraly Reseı týroperatorlary qaýymdastyǵynyń (RTQ) saıtynda aıtylǵan, dep habarlaıdy Kazinform agenttiginiń menshikti tilshisi.

RTQ málimetteri boıynsha, atalǵan ýaqyt aralyǵynda reısterdiń 4 saǵat jáne odan da uzaq ýaqytqa keshiktirilý jaǵdaıyna shetelge demalýǵa shyqqan 5,5 myńnan astam reseılik tap bolǵan. Týra osynshama adam Reseıge ushyp bara almaǵan.

Eń aldymen qıyndyqtar Túrkııa men Mysyr baǵytyndaǵy reıster boıynsha týyndady. Óıtkeni bul baǵytpen (Sheremetevo, Pýlkovo) ushatyndar sany óte kóp. Turkish Airlines 6 jáne 7 shilde kúnderi Pýlkovodan Antalıa men Ystanbulǵa ushatyn reısteriniń jartysyn toqtatty. 6 maýsymda Dýbaıǵa ushatyn Emirates áýe kompanııasynyń EK 176 reısi toqtatyldy, al Aeroflottyń Phýketke ushatyn reısi bir táýlikke jýyq keshikti.

Eske sala keteıik, RF Kólik mınıstrliginiń málimetinshe, 5 shilde kúni Sheremetevo, Pýlkovo jáne Strıgıno (Nıjnıı Novgorod) áýejaılarynda 250-den astam reıs toqtatylyp, 270-ten astamy keshiktirilgen.

6 shilde kúni saǵat 18:00-degi jaǵdaı boıynsha, Sheremetevoda — 171, Pýlkovoda — 90, al Strıgınoda — 26 reıs toqtatylǵan. Eki saǵattan astam keshikken reıster sany: Sheremetevoda — 56, Pýlkovoda — 37, Strıgınoda — 13 reıs. Jalpy alǵanda, shamamen 480 reıs toqtatylyp, 1900 reıs keshiktirilgen.

Osyǵan deıin reseılik týrıster mingen ushaq Maldıvte eki ret muhıtqa qonýǵa májbúr bolǵany týraly jazdyq.