Reseıde aýyr jaraqat alyp, kóz jumǵan 19 jastaǵy boksshyny Qazaqstanda jerleıdi
ASTANA. QazAqparat - Mı jaraqatyn alyp, qaza tapqan boksshyny Qazaqstanda jerleıdi. Qaıtys bolý sebebin naqty anyqtaǵan soń, ákesi múrdeni otanyna alyp kelmek. Magadan oblystyq boks federatsııasy bar shyǵyndy óz moıyndaryna almaq, dep habarlady IA MagadanMedia.
Valerıı Popenchenko júldesine memorıal-týrnır kezinde aýyr jaraqat alǵan 19 jastaǵy boksshy Vladıslav Şýkın 10 kún jasandy komada boldy. Jarys aldynda boksshy jan-jaqty medıtsınalyq tekserýden ótip, jarysqa rusqat alǵan.
Mamandardyń aıtýynsha, mıyndaǵy qandy isik jarystyń birinshi kúni ne Magadandaǵy týrnırge deıin bolýy múmkin. 16 mamyrda ombylyq boksshy es-tússiz jatqan kúıi kóz jumǵan. Qaza bolý sebebi - mı jaraqaty.
«Qazir óliminiń naqty sebebi anyqtalý ústinde. Şýkınniń ákesi Qazaqstanda turady. Sportshy da sol jaqta týǵan. Resimdeýden ótken soń, ony eline alyp ketedi. Barlyq shyǵyndy Magadan oblystyq boks federatsııasy kóteredi», - dedi Magadan boks mektebiniń dırektory Petr Býrmıstrov.
