Reseıde áýe apaty: qaza tapqandar bar
ASTANA. QazAqparat - Reseıdiń Qıyr Shyǵysyndaǵy Habarovsk ólkesinde búgin joǵalyp ketken MI-8 tikushaǵy tabyldy. Zardap shekkender men qaza tapqandar jóninde túrli aqparat kózderi árqıly málimet taratýda.
Áýe apaty saldarynan alty adam kóz jumdy, jeteýi tiri, dep habarlaıdy RIA Novostı óńirdiń tótenshe jaǵdaılar qyzmetindegi aqparat kózine silteme jasap.
«Osy saǵattaǵy málimet boıynsha jeti adam tiri, sonymen qatar alty adamnyń múrdesi tabyldy», - dedi agenttikpen tildesken qyzmetker.
Mı-8 Polına Osıpenko atyndaǵy kentten ushyp shyǵyp, Ongachan kóliniń mańyna qonýy qajet bolatyn.
«TASS» agenttiginiń habarlaýynsha, «tikushaqta 16 adam bolǵan, 10-y aman qalyp, ózderi jaǵaǵa shyqqan. Qalǵan altaýy jóninde naqty aqparat joq». Apat jóninde tikushaq komandıri habarlap aıtqan.
