Reseıde «Ata joly» sektasynyń uıymdastyrýshysy zııaratqa bara jatqan adamnyń ólimine sebepker boldy
ASTANA. QazAqparat - Reseıdiń Orynbor oblysynda Qazaqstanda tyıym salynǵan «Ata joly» dinı birlestiginiń uıymdastyrýshysy zııaratqa bara jatqan adamnyń ólimine sebepker boldy. Bul týraly RF Tergeý komıteti habarlady.
RF TK Orynbor oblysy boıynsha Tergeý organdary «Ata joly» dinı birlestigin qurýshyǵa RF QK 239-babynyń 1-bóliginde, RF QK 238-babynyń 2-bóliginde (abaısyzda kisi ólimine sebep bolǵan tutynýshynyń ómiri nemese densaýlyǵy qaýipsizdigi talaptaryna jaýap bermeıtin qyzmet kórsetý) kózdelgen qylmysty jasady degen aıyp taǵyldy. Budan basqa, ol jeke kásipker retinde tirkelmeı, RF azamattaryna týrıstik qyzmet kórsetetin zańdy tulǵa emestigine qaramastan sekta uıymdastyrýshysy abaısyzda kisi ólimine ákelgen, densaýlyǵy qaýipsizdigine jaýap bermeıtin týrıstik qyzmet kórsetken. Atap aıtqanda, aıyptalýshy zııarat sapar uıymdastyrýǵa jaýapty, adamdarǵa qyzmet kórsetetin tulǵa bola otyryp, er adamnyń densaýlyq jaǵdaıy kúrt nasharlaǵan kezde onyń jedel bilikti medıtsınalyq kómek alýyn qamtamasyz etpeı, lıtsenzııasy, medıtsınalyq saladan habary joqtyǵyna qaramastan oǵan nusqaýlyqsyz dári ishýge kóndirgen. Saldarynan dári qabyldaǵan adam kóz jumdy.
