Reseıde ata-anasynyń qamqorlyǵynsyz qalǵan 16 bala Ózbekstanǵa qaıtaryldy
TAShKENT. KAZINFORM – 5 sáýir kúni Reseıdiń Sankt-Peterbýrg qalasynan Ózbekstannyń kámeletke tolmaǵan 16 azamaty eline qaıtaryldy. Ulttyq áleýmettik qorǵaý agenttiginiń málimetinshe, olarmen birge Іshki ister jáne Densaýlyq saqtaý mınıstrlikteriniń qyzmetkerleri bolǵan.
Aıtýlarynsha, Sankt-Peterbýrg pen Máskeýdegi konsýldyq mekemeler balalardyń Ózbekstan azamaty ekenin anyqtap, olarǵa qaıtý týraly kýálik berý sharalaryn qolǵa alǵan.
Balalar Tashkent qalalyq ishki ister bas basqarmasyna qarasty kámeletke tolmaǵandarǵa áleýmettik-quqyqtyq kómek kórsetý ortalyǵyna ýaqytsha ornalastyryldy.
– Ortalyqta olardy ana-analary men jaqyn týystary «Adam» áleýmettik qyzmet kórsetý ortalyqtary aldyn ala daıyndaǵan qujattarymen qarsy aldy. Kámeletke tolmaǵandarǵa áleýmettik kómek kórsetý olardyń turǵylyqty jerinde de jalǵasady, - delingen habarlamada.
Ákelingen 16 balanyń 11-i ata-anasyna qaıtarylsa, qalǵandary týystarynyń qamqorlyǵyna berildi.
Eske sala keteıik, Reseıde ata-ana qamqorlyǵynsyz qalǵan 30 ózbekstandyq bala eline qaıtarylatyny jaıly jazǵan edik.