Reseıde ata-ana qamqorlyǵynsyz qalǵan ózbekstandyq balalar Otanyna oraldy
TAShKENT. KAZINFORM – Reseı aýmaǵynda ata-ana qamqorlyǵynsyz qalǵan kámeletke tolmaǵan ózbekstandyqtar Otanyna qaıtaryldy, dep habarlaıdy Kazinform agenttiginiń Tashkenttegi menshikti tilshisi Álıhan Asqar.
Ózbekstannyń Syrtqy ister mınıstrligine qarasty «Dunyo» aqparat agenttiginiń málimetinshe, quzyrly organ mamandarynyń kómegimen Reseıde ata-ana qamqorlyǵynsyz qalǵan 17 bala Otanyna oraldy. Olardyń barlyǵy kámelet jasyna jetpegender.
«Ózbekstannyń Reseıdegi Elshiligi balalarǵa tegin negizde Otanyna oralýǵa múmkindik beretin sertıfıkattar rásimdedi. Kámeletke tolmaǵandar Ózbekstanǵa kelgennen keıin týystaryna beriledi jáne memlekettik arnaıy balalar mekemelerine ornalastyrylady», - dep málim etti «Dunyo» agenttiginen.
Aıta keteıik, Ózbekstannyń dıplomatııalyq mekemeleri shetelde ata-ana jáne zańdy ókilderiniń qaraýynsyz qalaǵan balalardyń esebin júrgizedi jáne olardy qaıtarý boıynsha sharalar qabyldaıdy.
Qosa ketsek, 2022 jyly shet memleketterde ata-anasynyń qamqorlyǵynsyz qalǵan 43 bala Ózbekstanǵa qaıtaryldy.
