Reseıde ata-ana qamqorlyǵynsyz qalǵan ózbekstandyq balalar eline oraldy

TAShKENT. KAZINFORM – Reseı aýmaǵynda ata-ana qamqorlyǵynsyz qalǵan kámeletke tolmaǵan ózbekstandyqtar eline qaıtaryldy, dep habarlaıdy Kazinform agenttiginiń menshikti tilshisi. 

Áleýmettik qorǵaý ulttyq agenttiginiń deregine sáıkes, Máskeýdegi ýaqytsha ornalastyrý ortalyǵy men Ózbekstan ІІM qyzmetkerleriniń járdemimen 3 bala Otanyna qaıtaryldy. 

Búldirshinderdiń bireýi Reseıge anasymen, qalǵan ekeýi ata-anasynyń senimhaty negizinde týystarymen barǵan. Keıin balalardyń jaqyndary atalǵan eldiń zańyna qaıshy áreketter jasap, tıisinshe Ózbekstanǵa deportatsııalanǵan. Al kámeletke tolmaǵandar osy kezge deıin ýaqytsha ornalastyrý ortalyǵynda boldy.

Eske salaıyq, bylytr úsh aıda 115 myń ózbekstandyq eńbek mıgranty Otanyna oralǵan bolatyn.

Qosa ketsek, 2022 jyly shet memleketterde ata-anasynyń qamqorlyǵynsyz qalǵan 43 bala Ózbekstanǵa qaıtaryldy.