Reseıde ata-ana qamqorlyǵynsyz qalǵan 30 ózbekstandyq bala eline qaıtarylady
TAShKENT. KAZINFORM — Shetelde ata-ana qamqorlyǵynsyz qalǵan ózbekstandyq balalardy eline qaıtarý úshin Іshki ister jáne Densaýlyq saqtaý mınıstrlikteriniń qyzmetkerlerinen quralǵan jumys toby Reseıge attandy.
Bul týraly Ózbekstan Respýblıkasy Ulttyq áleýmettik qorǵaý agenttigi habarlaıdy.
Qazirgi ýaqytta Ulttyq álemettik qorǵaý agenttigi, ІІM jáne konsýldyq mekemeleri Máskeý, Sankt-Peterbýrg, Astrahan, Volgograd, Irkýtsk, Chelıabi, Vladıvostok jáne Ýlıanovsk qalalarynda, sondaı-aq Máskeý, Vladımır, Orel, Smolensk, Vladımır oblystarynda ata-anasynyń qamqorlyǵynsyz qalǵan 30 balanyń qujattaryn birlesip rásimdeýde.
Kámeletke tolmaǵandardyń turaqty tirkeý orny boıynsha «Adam» áleýmettik qyzmet kórsetý ortalyqtary otbasylyq ortaǵa jetkizilip jatqan balalardy qaıtarý sharalaryn júrgizýde.
Josparǵa sáıkes:
23 kámeletke tolmaǵan bala ata-anasyna qaıtarylady;
5 bala týystarynyń qamqorlyǵyna beriledi;
2 bala balamaly ornalastyrý oryndaryna aýystyrylady.
Agenttiktiń málimdeýinshe, jyl basynan beri shetelde ata-anasynyń qamqorlyǵynsyz qalǵan 10 bala týǵan eline qaıtarylǵan.
Eske sala keteıik, Reseıde ata-ana qamqorlyǵynsyz qalǵan ózbekstandyq balalar eline oraldy.