Reseıde aspannan úsh kún kórindi
ASTANA. QazAqparat - Sheregeshte (RF, Kemerev oblysyndaǵy kent) týrıster aspannan birden úsh kún kóringen erekshe atmosferalyq qubylysty fotoǵa túsirip alǵan. Erekshe qubylystyń qýágerleri ony «galo» dep atady. Bul 19 qarashada kúndiz oryn aldy.
Sondaı-aq kún batar tusta saǵat 16-17-lerde qaıtalandy. Bul ýaqytta aýa temperatýrasy - 30 gradýs bolyp turǵan. «Shergeshte talaı bolǵanymyn. Mundaı jaǵdaıdy birinshi ret kórýim», - dep tańdanysyn jasyrmady fotograftardyń biri Kamıl Nýrýllovıch. Basqa kýágerler «gala» qatty aıazda ne túnde aı jaryǵy kezinde paıda bolatynyn aıtady.
Shergeshke kóp keletinder ótken jyly qańtarda osy jerde úsh kúndi kórgenin aıtýda, dep jazdy «Komsomolskaıa pravda». Aıtqandaı, «galo» atmosferalyq optıkalyq qubylys qysta qatty aıazda paıda bolady, mamandar aspandy qaz baýyr bult basqanda, muzdan troposferanyń joǵarǵy qabatynda 5-10 shaqyrym bıiktikte paıda bolady dep sanaıdy.
