Reseıde áskerı polıgondaǵy órtti sóndire almaı jatyr
ASTANA. QazAqparat - Ýdmýrtııadaǵy Malopýrgınskıı aýdanynda burynǵy áskerı polıgondaǵy jarylys pen órtke baılanysty tótenshe jaǵdaı rejimi engizildi, dep habarlaıdy TASS respýblıka úkimetiniń tóraǵasy ıAroslav Semenovqa silteme jasap.
«Malopýrgınskıı aýdany terrıtorııasynda tótenshe jaǵdaı rejimi engizildi»,- dedi ol.
Órt aýmaǵy 300 gektar jerdi sharpyǵan.
Semenovtyń aıtýynsha, tilsiz jaýdy aýyzdyqtaýǵa Be-200 ushaǵy tartylǵan. Budan buryn órt sóndirýshiler Ýdmıýrtııadaǵy burynǵy polıgondaǵy órtti Be-200 ushaǵynyń jáne úsh tikushaqtyń kómegimen sóndiredi, dep habarlanǵan bolatyn.
Polıgondaǵy qarýlardy joıý jumystary 2011 jyldan beri júrgizilip keledi.
Sársenbi kúni Ýdmýrtııada Malopýrgınskıı aýdanyndaǵy Pýgachev eldi mekeninde burynǵy áskerı arsenaly aýmaǵynda órt boldy.
Aldyn ala derekterge qaraǵanda, qaza tapqandar men zardap shekkender joq. 2 myńǵa jýyq turǵyn evakýatsııalandy.
