Reseıde araqtyń tómengi baǵasy 250 rýblge jetpek
ASTANA. 28 sáýir. QazAqparat - Endi eki jyldan keıin Reseıde araqtyń bir shólmeginiń baǵasy 250 rýbl bolmaq. Bul týraly Federatsııa keńesinde Reseı alkolgol sýsyndaryn retteý komıtetiniń basshysy Igor Chýıan málimdedi, dep habarlady Interfaks.
Onyń aıtýynsha, bıylǵy jyldyń ózinde jalpy segmenttegi jarty lıtr araqtyń baǵasy 150-160 rýbl, al 2013 jyly - 190 rýbl bolmaq.
Baǵanyń ósýi aktsızderdiń kóterilýimen baılanysty. Chýıannyń aıtýynsha, mundaı qymbattaý durys, birinshiden, halyq úshin araqty satyp alý kórsetkishi tómendeıdi, ekinshiden bıýdjet túsimi artady.
Sonymen qatar ol alkogol naryǵyna baqylaýdy kúsheıtý qajettigin atap ótti. Onyń aıtýynsha, 2011 jyly alkogol sýsyndaryn shyǵarýmen aınalysqan 27 jasyryn kásiporyn áshkerelengen. Olardan 7 mıllıon kontrafaktilik shólmek tárkilengen.
Degenmen, «Renessans kapıtal» ınvestkompanııasynyń 2011 jlǵy qarashadaǵy zertteýlerine qaraǵanda, aktsızderdi kezeń-kezeńimen arttyrý reseılikterdi fırmalyq alkogol sýsyndarynan samogonǵa kóshýine májbúrleýi múmkin.
