Reseıde araqtyń baǵasy qymbattady
ASTANA. QazAqparat - 13 maýsymnan Reseıde araqtyń eń tómengi baǵasy bes rýblge (25,8 teńgege) qymbattady. Baǵa Reseıdiń qarjy mınıstrliginiń tıisti buıryǵyna sáıkes kóterildi, dep habarlady reseılik RIA Novostı agenttigi.
Konıak pen brendıdiń eń tómengi baǵasy burynǵy deńgeıde - brendıdiń 0,5 lıtrli bótelkesi 1 511, 88 teńge (293 rýbl), 1 bótelke konıaktyń quny 1661,52 teńge (322 rýbl).
Araqtyń bólshe saýdadaǵy qunynyń eń tómengi baǵasy naryqtaǵy arzan kontrafaktili ishimdikpen kúresýdiń basty tásili bolyp otyr. 2015 jyldyń 1 aqpanynan bastap «Rosalkogolretteý» jarty lıtrlik araq úshin baǵany 354,6 teńge (185 rýbl) deńgeıinde belgiledi. Buryn ol 1 135,2 teńgeni (220 rýbldi) bolǵan.
