Reseıde apatqa ushyraǵan ushaqtyń «qara jáshigi» tabyldy - BAQ
ASTANA. QazAqparat - Іzdeý jumystary barysynda reseılik qutqarýshylar Máskeý mańynda apatqa ushyraǵan An-148 ushaǵynyń «qara jáshigin» tapty. Bul týraly Máskeý oblystyq TJM basqarmasynyń basshysy Sergeı Poletykın habarlady, dep habarlaıdy TASS agenttigi.
«Іzdeý jumystary júrip jatqan 18 sektordan qara jáshik tabyldy. Qazir mamandar aqparattar saqtalǵan jabdyqty anyqtap, ıdentıfıkatsııalyq jumystar júrgizýde», - dedi ol.
S.Poletykınniń aıtýynsha, ushaq qırandylarynyń shashyraý shekarasyn naqtylaý jáne zertteý úshin toǵyz arnaıy ushatyn apparat qoldanylýda. «Іzdeý jumystary júrip jatqan jer 29 sektorǵa bólingen, onyń árqaısysyna bir-bir aǵa qyzmetker taǵaıyndalǵan. Ushaq qırandylaryn jınaıtyn arnaıy alań daıyndaldy. Qazir negizgi kúsh máıitter men ushaq qaldyqtaryn jınap alýǵa baǵyttalǵan», - dedi ol.
