Reseıde antıdepressanttar satylymy rekord jańartýdy jalǵastyryp jatyr
ASTANA. KAZINFORM – 2026 jyldyń birinshi toqsanynda Reseıde antıdepressanttar satylymy aıtarlyqtaı ósip, rekordtyq deńgeıge jetti, dep habarlaıdy DW.
RBC agenttiginiń RNC Pharma derekterine silteme jasap habarlaýynsha, Reseı dárihanalary úsh aı ishinde 6,4 mln qaptama antıdepressantty 5,8 mlrd rýblge satqan. Bul 2025 jyldyń sáıkes kezeńimen salystyrǵanda qaptama sany boıynsha 22%-ǵa, al aqshalaı kólemde 34%-ǵa kóp.
Sonymen qatar mazasyzdyq pen qorqynyshty azaıtatyn anksıolıtıkter satylymy 4,8 mln qaptamany qurap, jalpy quny 2,6 mlrd rýbl bolǵan. Bul rette tabıǵı kólem 1%-ǵa azaıǵanymen, aqshalaı kórsetkish 11%-ǵa ósken.
Salystyrý úshin, 2025 jyldyń alǵashqy jartysynda reseılikter 11 mln-nan astam qaptama antıdepressantty shamamen 9 mlrd rýblge satyp alǵan. Sondaı-aq 9,3 mln qaptama anksıolıtık alynǵan. Sarapshylardyń aıtýynsha, bul preparattarǵa suranys Reseıde úshinshi jyl qatarynan ósip keledi.
Al Rosstat málimetine sáıkes, 2020–2024 jyldary elde psıhıkalyq buzylystarmen syrqattaný deńgeıi 18%-ǵa artqan. Reseılikterde depressııa, mazasyzdyq jáne kúızelis jaǵdaılary jıirek anyqtalyp jatyr, al shızofrenııa men psıhoz kórsetkishteri turaqty deńgeıde qalyp otyr, dep jazady Forbes.
Eske sala ketsek, buǵan deıiýn Reseıdiń áskerı shyǵyny 190 mlrd dollarǵa jetkenin jazdyq.
