Reseıde ańshy «Gazprom» munaı kompanııasynyń eki menedjerin atyp tastady
ASTANA. QazAqparat - RF ıAmalo-Nenetsk avtonomııalyq okrýginiń turǵyny ańshylyqta júrgeninde janjaldasyp, «Gazprom Pererabotka» kompanııasynyń 2 bólim basshysyn atyp tastady, dep habarlady TASS.
Agenttiktiń derekterine súıensek, kompanııa qyzmetkerleri birge ań aýlaýǵa shyqqan. «Ańshylyqta júrgende olar ózara sózge kelip, daýlasyp qalady, sodan keıin atys bastalǵan», - delingen habarlamada. Oqıǵadan jóndeý-mehanıkalyq qyzmetiniń bastyǵy Andreı Hodakov pen janar-jaǵar maı bóliminiń bastyǵy Denıs Svıstýnov qaza tapty. Tergeýshilerdiń aıtýynsha, oqıǵa ıAnao aýylynan 90 shaqyrym jerde bolǵan. Olardy óltirgen 22 jastaǵy jergilikti turǵyn ustaldy, oǵan qatysty qylmystyq is qozǵaldy. Janjal ishimdik ishý saldarynan shyqqan.
