Reseıde An-2 ushaǵy qulap, jeti adam mert boldy

IRKÝTSK. TASS – QazAqparat – Reseıdiń Irkýtsk qalasy túbinde An-2 ushaǵy qulady. Onyń bortynda jeti adam bolǵan, dep habarlaıdy QazAqparat TASS aqparat agenttigine silteme jasap.

«Aldyn ala málimet boıynsha, ushaqtyń qulaǵan jeri anyqtaldy. Ol – aerodromǵa jaqyn ornalasqan Pıvovarıha eldi mekeniniń mańy. Ushaq qonar kezde ekinshi ret aınalyp, radarlardan joǵalyp ketken», - dep baıandady agenttik derekkózi. Irkýstsk aýdany AQ jáne TJ qyzmetiniń dırektory Oleg Fedotovtyń TASS agenttigine habarlaýynsha, áýe kemesi ormanǵa qulaǵan.

TJM naqtylaǵan málimetinshe, onyń bortynda segiz emes, jeti adam boldy. TASS derekkózi olardyń ekıpaj músheleri bolǵanyn qosyp aıta ketti.

Shuǵyl qyzmetterden ushaqtyń otqa oranǵany, onyń qasyndaǵy shóp órtenip, órttiń áli sóndirilmegenin habarlady. Jalyn 300 sharshy metr aýmaqty sharpyǵan.

«Naqtylanǵan málimetterge sáıkes, ushaqtyń 10 sharshy metr aýdany, 300 sharshy metrge tógilgen otyn órtenip jatyr. Oqıǵa ornynda 46 adam men 17 tehnıka jumys isteýde. Reseı TJM arnaıy kúsh-quraldaryn kóbeıtip otyr», - dedi vedomstvoda.

Ushaqtyń bortynda bolǵandardyǵń barlyǵy qaza tapty.

Bort Belarýstiń «Grodno» áýe kompanııasynyń ıeliginde. Tasymaldaýshy basshylyǵy zardap shekken An-12 ushaǵyna qatysty aqparatty tekserip otyrǵanyn málimdedi.

Ushaq júk tasymaldaǵan edi.

«Áýe kemesi Chýkot AA-da halyqtyq tutynýǵa arnalǵan azyq-túlikterdi tasymaldap, áýejaıǵa qaıtyp ushyp kele jatty», - dep qosyp ótti Rosavıatsııadan.

Vedomstvodan atap ótkendeı, Irkýtskke qonar aldynda, ushaq ekıpajy ekinshi aınalymǵa ótý qajettiligi týraly jetkizdi.