Reseıde An-148 apaty ornynda tekserý jumystary aıaqtaldy
ASTANA. QazAqparat - Reseı Federatsııasynyń Tergeý komıtetiniń qyzmetkerleri An-148 ushaǵy apatqa ushyraǵan jerde barlyq tergep-tekserý jumystaryn aıaqtady, dep habarlaıdy TASS komıtettiń aıyryqsha mańyzdy ister jónindegi aǵa tergeýshisi Rýstam Gabdýllınge silteme jasap.
«Barlyq protsessýaldyq jáne tergeý áreketteri aıaqtaldy. Jolaýshylar men ushaq qaldyqtary túgeldeı oqıǵa ornynan saraptama úshin jınap alyndy»,-dedi ol jumys tobynyń jınalysynda.
Buǵan deıin habarlaǵanymyzdaı, Máskeýdiń Domodedovo áýejaıynan kókke kóterilgen An-148 jolaýshylar ushaǵy kóp uzamaı radardan joǵalyp ketti. Keıin ushaq qaldyqtary Máskeý oblysynyń Ramensk aýdanynda tabylǵany málim etildi. «Saratov áýe jelileri» kompanııasyna tıesili ushaqtyń bortynda 65 jolaýshy men 6 ekıpaj múshesi boldy. Olardyń barlyǵy ajal qushty. Ushaqta Qazaqstanda týǵan azamattar bolǵan.
