Reseıde «Altaı hanshaıymyn» qaıta jerleýge qatysty sot isi bastaldy
ASTANA. QazAqparat - Taýly-Altaıdyń qalalyq soty «altaı hanshaıymy» súıekterin qaıta jerleýge qatysty isti qaraı bastady. Jergilikti turǵyndar sońǵy kezdegi kóbeıip ketken apattardyń barlyǵy mýmııany qazyp alǵannan boldy, dep otyr.
Sottyń resmı saıtynda aryzdanýshy retinde mýmııany qaıta jer qoınyna berý máselesi jónindegi uıymdastyrý komıtetiniń tóraǵasy Akaı Kıne kórsetilgen. Jaýapker tarap - A.Anohın atyndaǵy arheologııa jáne etnografııa ınstıtýty.
Sottyń kelesi otyrysy 2 aqpanǵa belgilengen.
Mýmııany jer qoınyna berý týraly aryz-talap sotqa 2015 jyly jeltoqsan aıynda berilgen.
«Altaı hanshaıymyn» 1993 jyly novosibir arheologtary Altaı taý silemderiniń Ýkok ústirtindegi qorǵandardan tapty. Alaıda jergilikti turǵyndar mýmııany ǵalymdarǵa zertteýge berýge qarsylyq bildirdi, ári ony tabylǵan jerge qaıta ákelip jerleýdi talap etip otyr.
Eki jyl buryn altaılyqtar osy sharaǵa qatysty petıtsııaǵa qol jınaı bastady. Jergilikti turǵyndar apattar men baqytsyzdyqtardyń barlyǵyn arheologtardyń qorǵandy qazyp, súıekterdi alyp shyǵýynan kórýde.
