Reseıde áleýmettik jelide mas kúıindegi sýretin qoıǵan paıdalanýshyǵa bank nesıe bermeýi múmkin

ASTANA. QazAqparat - Áleýmettik jelilerde ishimdik ishý, janjal oryn alǵan sýretterin salǵan nemese jelilik marketıng, jedel nesıe, kollektorǵa qarsy toptarǵa jazylǵan paıdalanýshyǵa bankter kredıt berýden bas tartýy múmkin, dep habarlaıdy vesti.ru.

Reseıdiń Ulttyq nesıe tarıhy bıýrosy men Double Data ІT-kompanııasy iske qosqan Social Attributes arnaıy servısi áleýmettik jelide qaryz alýshylardyń minez-qulqyn taldaıdy. Bankter men shaǵyn qarjy uıymdary óz skorıngtik úlgisinde osy servısti paıdalana bastady.

Mas kúıinde túsken fotosyn jarııalaýshyǵa qujattary durys bolǵanyna qaramastan, nesıe berýden bas tartylady. Shetelde bul qalypty jaǵdaı, dep jazady reseılik basylym.

Ekinshi jaǵynan qaryz alýshynyń saıahat jasaý barysynda túsken sýretteri kredıt berý týraly oń sheshimge yqpal ete alady.

Statıstıkaǵa sáıkes reseılik qaryz alýshylardyń 60 paıyzǵa jýyǵy áleýmettik jelini paıdalanady. Bul rette jastar «VKontakteni», eresekter «Odnoklassnıkı» jelisin tańdaıdy. Bir qyzyǵy, Feısbýk paıdalanýshylary kredıtti sırek alady eken.