Reseıde alaıaqtyqtyń jańa túri paıda boldy
MÁSKEÝ.KAZINFORM - Alaıaqtardyń reseılikterden bank kartalaryn nemese banktegi jeke kabınetterin jalǵa berýin surap, joǵary syıaqy men «quqyqtyq qaýipsizdikti» ýáde etý oqıǵalary jıiledi , dep habarlaıdy Kazinform agenttiginiń tilshisi Reseı ІІM aqparattyq-kommýnıkatsııalyq tehnologııalardy zańsyz paıdalanýmen kúres jónindegi basqarmasynyń Telegram-arnasyna silteme jasap.
Habarlamada aıtylǵandaı, alaıaqtar syltaý retinde krıptovalıýtamen mámilelerdi nemese ózge de operatsııalardy aıtýy múmkin, alaıda kartany qylmystyq jolmen alynǵan aqshany bir rettik sheship alý úshin paıdalanady.
Alaıda, Reseı ІІM bul áreketti dropperlik dep sanaıdy. Atap aıtqanda, óz tólem derekterine úshinshi tulǵalarǵa kez kelgen syltaýmen qol jetkizýge múmkindik berý qylmysqa qatysý bolyp sanalatynyn eskertedi.
Sondaı-aq, qaýipsizdik kepildigi de jalǵan ekenin aıtady. Jeke kabınetine qatysty derekterdi bergen azamattar qarjylyq shyǵynǵa ushyrap (shottardyń buǵattalýy), qylmystyq jaýapkershilikke tartylady.
Eske salaıyq, Reseıde dropperlik úshin qylmystyq jaýapkershilik týraly zań qabyldanǵan.