Reseıde akademııa jas ǵalymdarǵa qujattaryn dısketamen tapsyrýdy talap etti
ASTANA. QazAqparat - Reseıdiń ǵylym akademııasy grant alýǵa úmitker jas ǵalymdar ótinishti kompıýter dısketamen tapsyrý kerek. Bul týraly akademııanyń resmı saıtynda jarııalanǵan, dep haıýarlaıdy Bı-Bı-Sı agenttigi.
Eń qyzyǵy jas ǵalymnyń eńbegi týraly málimetter 1993 jyly Microsoft shyǵarǵan Word-6 mátin redaktorynda saqtalýy tıis.
Dıskette baıqaýǵa baǵyty týraly aqparat, jumystyń qysqasha mazmuny jáne avtor týraly málimetter keltiriledi. Akademııanyń usynǵan erejesinde osy talapqa saı jasalmaǵan jumystar qabyldanbaıtyny eskertilgen.
Osy talaptar belgilengen RǴA jas ǵalymdarǵa arnalǵan medaldar týraly qaǵıdasy 2002 jyly 24 jeltoqsanda qabyldanypty.
Eske sala ketsek, 3.5" nysanyndaǵy dısket 1987 jyldan bastap shyǵarylǵan kompıýterlerge arnalǵan. Ol 2000-shy jyldardyń ortasynan flesh jadylar paıda bolǵan kezden bastap qoldanystan shyǵyp qaldy.
