Reseıde Airbus ushaǵy apatty jaǵdaıda qondy
MÁSKEÝ. QazAqparat – «Ýral áýe joldary» áýe kompanııasynyń Airbus A321 jolaýshylar ushaǵy Jýkovskıı áýejaıy mańynda apatty jaǵdaıda qonýǵa májbúr boldy. Ushaq Sımferopolǵa ushyp shyqqan, dep habarlaıdy QazAqparat TASS agenttigine silteme jasap.
Jedel qyzmettiń málimetine sáıkes, ushaq Rybakı derevnıasyna jaqyn mańdaǵy jazyqqa qonǵan. Barlyq jolaýshylar evakýatsııalandy. Ekıpajdyń jeti múshesin qosqanda ushaqtyń bortynda 234 adam bolǵan. Kólik prokýratýrasynyń málimetine sáıkes, ushaqta 220 jolaýshy, 6 bala jáne 5 ekıpaj múshesi bolǵan.
Jedel qyzmet ókili málim etkendeı, ushaqtyń qozǵaltqyshy órtengen, degenmen órt áýe bortyna jetpegen.
Ushaqtyń janyp jatqan qozǵaltqyshy qonatyn kezde túsip qalǵan.
Medıtsına qyzmetiniń ókil ushaq qonǵan sátte on adam zardap shekkenin, olardyń arasynda bes bala bolǵanyn málim etti.
Rosavıatsııanyń aqparatyna sáıkes, tórt jolaýshy aýrýhanaǵa jetkizildi. Belgili bolǵandaı, adamdardyń basym kópshiligi jaraqat alǵan. Oqıǵa ornynda 20 jedel járdem brıgadasy jáne eki tikushaq jumys jasaýda.
Zardap shekkender týraly aqparat áli anyqtalý ústinde.
Áýe tasymaldaýshysynyń bas dırektory Sergeı Skýratovtyń aıtýynsha, ushaqtyń eki qozǵaltqyshy jumys istemeı qalǵan. Ushaqqa qustar soǵylyp, eki qozǵaltqysh birden isten shyqqan.
Evakýatsııalanǵan adamdar qoný ornynan 300 metrge alshaq áketildi. Kólik prokýratýrasy «Ýral áýe joldary» ushaǵymen bolǵan jaǵdaıdy tekserýge kiristi. Laınerdiń apattyq jaǵdaıda qonýǵa májbúr bolǵan ornyna RF Tergeý komıteti toby attandy. Oqıǵa sebepterin anyqtaý úshin Jýkovskııde arnaıy komıssııa qurylyp, qylmystyq is qozǵaldy.
