Reseıde adam urlaǵany úshin izdeýde bolǵan qylmysker Nur-Sultannan ustaldy
NUR-SULTAN. QazAqparat – Elorda polıtseıleri TMD quqyq qorǵaýshylarymen birlesip, 16-17 qyrkúıek aralyǵynda «Іzdeý» keń kólemdi sharasyn ótkizdi. Bul týraly QazAqparat Nur-Sultan qalasynyń polıtsııa departamentine silteme jasap habarlaıdy.
Tártip saqshylary eki kúnniń ishinde 22 qylmyskerdi ustaǵan, sonyń ishinde jeteýi kórshi elder – Reseı, Qyrǵyzstan jáne Ózbekstanda izdeýde bolǵan.
Іz-tússiz joǵalǵan 9 adamnyń júrgen jeri anyqtaldy.
Reseıdiń Orynbor oblysynda adam urlaǵany úshin izdeýde bolǵan 33 jastaǵy qazaqstandyq azamat Nur-Sultannan ustalǵan.
Ustalǵan kezde er adam jasalǵan qylmysqa qatysy joq ekenin aıtqan.
Alaıda Reseıdegi áriptesterimen baılanysqa shyqqan qazaqstandyq tártip saqshylary olardan aıǵaq qujattar alyp, er adamdy qamaýǵa aldy.
