Reseıde adam óltirgen qylmysker 20 jyldan soń Belorýssııada ustaldy
ASTANA. QazAqparat - Belarýs Quqyq qorǵaý organdary Reseı Federatsııasy aýmaǵynda 20 jyl buryn kisi óltirgeni úshin halyqaralyq izdestirýde bolǵan reseılikti ustady.
Bul týraly Belarýs ІІM habarlady.
Belarýs mılıtsııasynyń derekterine súıensek, qylmyskerdi izdestirý sharasy 1995 jylǵy qarashadan beri júrgizilgen. Ol Rıazan oblysy Ermısh kentinde mas kúıinde jergilikti turǵyndy pyshaqtap óltirgen. Osy jylǵy qazanda Belarýs MVD-ǵa asa qaýipti qylmysker respýblıka aýmaǵynda bolýy múmkin degen jedel aqparat kelip túsedi.
«Belarýs qylmystyq izdestirý qyzmetkerleri kúdikti Mogılevskıı aýdanynda boı tasalap júrgenin anyqtady. Jedel izdestirý sharalary nátıjesinde qylmysker Mogılevte tutqynǵa alyndy», - dep atap ótedi mınıstrlikte.
