Reseıde 9 vagon relsten shyǵyp, 70 jolaýshy jaraqat aldy

MÁSKEÝ. KAZINFORM — Reseıdiń Komı óńirinde Vorkýtadan Novorossıısk qalasyna bara jatqan jolaýshylar poıyzynyń 9 vagony relsten shyǵyp ketti, dep habarlady TASS.

№ 511 poıyzdyń vagondary Máskeý ýaqytymen saǵat 18:12 kezinde Inta-1 men Ýgolnyı Severnyı temirjol aralyǵynda joldan shyqty.

Tergeý komıtetiniń aqparaty boıynsha adam shyǵyny joq. Quqyq qorǵaý organdary 70 adam zardap shekkenin habarlady. 10 adamnyń jaǵdaıy aýyr. 

Oqıǵa ornynda jedel qyzmetter jumys istep jatyr, olar jolaýshylarǵa kómek kórsetip, kóshirýge kirisken.  

Apat ornyna sondaı-aq Komı basshysy Vladımır Ýıba ushyp shyqty. 

Poıyzdardyń qozǵalysy toqtatyldy.

Sot Reseı Federatsııasy Qylmystyq kodeksiniń 263-babynyń 1-bóliminde kózdelgen qylmys belgileri boıynsha is qozǵady.

Poıyz apatynyń sebebi — nóser jaýynnan keıingi tasqyn.  

Relsten shyqpaı aman qalǵan vagondardyń jolaýshylaryn basqa poıyzǵa tirkeıdi, olar Novorossıısk qalasyna deıin saparyn jalǵastyrady.  

Pogıbshıh vo vremıa shoda vagonov poezda v Komı, po predvarıtelnym dannym, net. Ob etom soobşılo Zapadnoe mejregıonalnoe sledstvennoe ýpravlenıe SK na transporte:https://t.co/vh6hs1zOSn

Vıdeo: Ofıtsıalnyı Telegram-kanal Severo-Zapadnoı transportnoı prokýratýry/TASS pic.twitter.com/s2EqkXLGlv

— TASS (@tass_agency) June 26, 2024