Reseıde 700 myńnan astam sheteldik zańsyz júr

MÁSKEÝ.KAZINFORM — 1 qyrkúıektegi jaǵdaı boıynsha RF ІІM-niń baqylanatyn tulǵalar tiziminde (reestr) elde quqyqtyq mártebesin rettemegen shamamen 770 myń sheteldik bar. Bul týraly Kazinform agenttiginiń menshikti tilshisi jazdy.

Olardyń úshten biri — áıelder men balalar. Bul týraly ІІM basshysynyń orynbasary A.Gorovoı habarlady, dep agenttik tilshisi reseılik BAQ-qa silteme jasap habarlady.
Ol sondaı-aq atalǵan azamattarǵa Reseıdegi bolý merzimin zańǵa sáıkestendirý úshin berilgen ýaqyt 10 qyrkúıekte aıaqtalatynyn naqtylady. Osy merzimge deıin óz mártebesin retke keltire alady. Budan keıin zańdy saldary, sonyń ishinde elden shyǵaryp jiberý sharalary qoldanylýy múmkin.

2025 jylǵy aqpanda Reseıde baqylanatyn tulǵalardyń biryńǵaı tizilimi iske qosyldy. Onda RF aýmaǵynda zańsyz júrgen shetel azamattary týraly derekter jınaqtalady.

Tizimge ýaqytsha bolý merzimi, ýaqytsha turýǵa ruqsat, sonyń ishinde bilim alý maqsatynda, yqtııarhat, patent, jumysqa ruqsat, eńbek shartynyń merzimi bitýine nemese ýaqytsha bolý merziminiń qysqarýyna baılanysty sheteldikter engiziledi.

Atalǵan tizimge engen tulǵalarǵa zańdy tulǵa nemese JShS tirkeýge, nekege turýǵa, múlik satyp alýǵa jáne tirkeýge, bank shotyn ashýǵa jáne júrgizýshi kýáligin aýystyrýǵa tyıym salynady.

Buǵan deıin kóshi-qon erejelerin buzǵandarǵa Reseıde zańdastyrý úshin bir aı qalǵany jáne Reseıden deportatsııalanǵan mıgranttar sany 17%-ǵa artqany habarlanǵan bolatyn.