Reseıde 66,4 myń gektar orman órtenip jatyr
ASTANA. QazAqparat - Reseı óńirlerinde 66,4 myń gektar aýmaqta orman órtenip jatyr. Órshelengen jalyn shamamen 70 órt oshaǵynan tarady, dep habarlaıdy TASS.
Bul týraly jeksenbi kúni federaldyq Avıaormanqorǵaý baspasóz qyzmeti orman sharýashylyǵy óńiraralyq aqparattyq dıspetcherlik qyzmetine silteme jasap habarlaǵan.
" Máskeý ýaqytymen 00:00-de Reseı aýmaǵynda 66441 gektar jerdi sharpyǵan 73 orman órti tirkeldi. Al 12 mamyrda órt sóndirýshilerdiń kúshimen 12672 gektar jerdegi 153 órt sóndirildi»,- delingen habarlamada.
Asa kúshti órt Amýr oblysynda tirkelgen. Senbi kúngi tańerteńgilik málimetke qaraǵanda, jalyn 38,5 gektar ormandy sharpyǵan. Sondaı-, Zabaıkale, Krasnoıars jáne Habarovsk ólkelerinde de tilsiz jaýdyń betin qaıtarý ońaıǵa soqpaı otyr.
Zabaıkale men Amýr oblysynyń terrıtorııasynda tótenshe jaǵdaı engizildi.
