Reseıde 60 jastan asqan adamdarǵa «Spýtnık V» vaktsınasy salynbaq
MÁSKEÝ. TASS-QazAqparat – Reseıdiń Densaýlyq saqtaý mınıstrligi 60 jastan asqan adamdarǵa «Spýtnık V» vaktsınasyn salýǵa ruqsat berdi. Bul týraly QazAqparat TASS agenttigine silteme jasap habarlaıdy.
«Densaýlyq saqtaý mınıstrligi medıtsınalyq qoldaný jónindegi nusqaýlyqqa ózgeris engizýdi maquldady. Endi «Spýtnık V» vaktsınasyn 18 jasta jáne odan asqan tulǵalarǵa da qoldanýǵa ruqsat berildi. Osylaısha 60 jastan asqan azamattar da jańa koronavırýs ınfektsııasyna qarsy vaktsınadan óte alady», - dedi mınıstr Reseıdiń Densaýlyq saqtaý mınıstri Mıhaıl Mýrashko.
Ol sondaı-aq, eldiń barlyq aımaǵynda jappaı vaktsınatsııa júrgizilip jatqanyn atap ótti.
Mýrashkonyń aıtýynsha, júrgizilgen saraptama 60 jastan asqan egde jastaǵy azamattar úshin vaktsınanyń tıimdiligi men qaýipsizdigin dáleldedi.
Aıta keteıik, 10 jeltoqsanda Reseıde koronavırýsqa qarsy vaktsınatsııa bastaldy. 14 jeltoqsanda Mýrashko jappaı vaktsınatsııa aıasynda preparat Reseıdiń barlyq óńirine jetkizilgenin aıtty.
Eske salsaq, Qazaqstanda «Spýtnık V» vaktsınasy óndirile bastady. Reseı vaktsınasyn Qazaqstanda tirkeýdiń boljamdy merzimi ataldy.
