Reseıde 40-tan astam áýejaıdyń ataýy ózgerdi
MÁSKEÝ. QazAqparat - Reseı prezıdenti Vladımır Pýtın eldegi 40-tan astam áýejaıdyń ataýyn ózgertý týraly jarlyqqa qol qoıdy, dep habarlaıdy «QazAqparat» HAA TASS agenttigine silteme jasap.
Atap aıtsaq, máskeýlik Domodedovo áýejaıyna ǵalym Mıhaıl Lomonosovtyń, Vnýkovoǵa - ushaq qurastyrýshy Andreı Týpolevtiń esimi berilse, Sheremetevo áýejaıy aqyn Aleksandr Pýshkınniń esimimen ataldy. Taǵy bir orys aqyny Mıhaıl Lermontovtyń esimi Mıneraldy sýlar áýejaıyna, Sımferopol áýejaıyna sýretshi Aıvazovskııdiń, Voronej áýejaıyna І Petr esimi berildi.
Budan basqa da belgili tarıhı tulǵalardyń esimderi Anadyr, Anapy, Arhangelsk, Astrahan, Belgorod, Blagoveşensk, Vladıvostok, Ekaterınbýrg, Qazan, Kalınıngrad, Kalýga, Krasnodar, Krasnoıarsk, Magadan, Mýrmansk, Nıjnevartovsk, Nıjnekamskıı, Novosibir, Norılsk, Omsk, Petropavlovsk-Kamchatskıı, Poskov, Samar, Sochı, Stavropol, Sýrgýt, Syktyvkar, Tomsk, Túmen, Ýfa, Habarovsk, Cheboksar, Chelıabınsk, Ońtústik-Sahalın jáne ıAkýtsk qalalaryndaǵy áýe aılaqtaryna berildi.
Aqparatqa sáıkes, eldegi áýejaılardy tanymal tulǵalardyń esimimen ataý - olardyń memleket damýyna qosqan úlesin jańǵyrtý maqsatyn kózdeıdi. Tıisti konkýrs 2018 jyldyń 11 qazanynda jalpyhalyqtyq daýys berý negizinde júzege asyryldy. Jobaǵa bıýdjetten qarajat bólinbegendikten, daýys berý ınternet jelisi arqyly júrgizildi.
«Velıkıe ımena Rossııı» saıtynyń málimetinshe, daýys berýdiń fınalyna 4 mln 828 myń adam qatysqan. Naýryz aıynda RF Qoǵamdyq palatasy baıqaý nátıjesi boıynsha usynystardy úkimetke jiberdi.
