Reseıde 4 jasar bala ákesiniń tapanshasymen ózin atyp saldy
ASTANA. QazAqparat - Reseıdiń Kemerev oblysy Mejdýrechensk qalasynda 4 jasar bala «Osa» markaly travmatıkalyq tapanshamen ózin atyp, jaralandy, dep habarlady newstes.ru.
Oqıǵa 16 qazan kúni oryn aldy, dep habarlaıdy Kemerov oblysy boıynsha tergeý komıtetiniń tergeý basqarmasynan. Tapanshamen oınap otyryp, ózine oq atqan bala basynan jaralanyp aýrýhanaǵa jetkizildi. Oǵan bas súıek-mı jaraqatyn alǵan jáne kózi zaqymdanǵan degen dıagnoz qoıyldy. Vedomstvonyń habarlaýynsha, dárigerler balanyń ómirin saqtap qaldy. Qazir dárigerler ony kóz aýrýlary bólimine aýystyrǵan. Qarýdy bala ákesiniń syrt kıiminiń qaltasynan alǵan. Ákesinde qarý saqtaý jáne ustaý boıynsha qajetti barlyq qujattar bar ekeni aıtylady.
