Reseıde 32 jastaǵy áıel balalaryn segizinshi qabattan laqtyryp jiberdi
ASTANA. QazAqparat - Irkýtsk qalasynyń 32 jastaǵy turǵyny eki kishkentaı balasyn segizinshi qabatta ornalasqan páter terezesinen laqtyryp, odan keıin ózi de sekirip ketti, dep habarlady «NTV» arnasy.
Bul oqıǵadan onyń 2 jáne 4 jastaǵy balalary tiri qaldy. Qanquıly áreketke barǵan áıeldiń ózi mert bolǵan. Polıtsııa oqıǵanyń mán-jaıyn anyqtap jatyr. Áıel jaraqattarynan oqıǵa ornynda jan tapsyrdy, onyń 2 jáne 4 jastaǵy uldary Ivanov-Matrenın balalar klınıkalyq aýrýhanasyna jetkizildi. Dárigerler balalardyń jaǵdaıy óte aýyr ekenin málimdedi. Foto: Dmıtrıı Korotaev / «Kommersant»
