Reseıde 300 metrlik shujyq ázirlendi
ASTANA. QazAqparat - Kalınıngrad qalasynda «Uzyn shujyq kúni» merekesine kelgender salmaǵy 300 keliden joǵary úsh júz metrlik shujyqtan dám tatty. Bul shara kóne Kenıgsberg dástúri boıynsha ótkizilýde, dep habarlaıdy reseılik «RIA Novostı» agenttigi.
Bes jyl qatarynan ótkizilip kele jatqan merekeniń tarıhy 16-ǵasyrdan bastaý alady. Ony qaladaǵy Dúnıejúzilik muhıt murajaıy ótkizedi. Jergilikti kásiporyn ázirlegen shujyq qaladaǵy merekeniń basty nyshany bolyp sanalady.
Byltyrǵy shujyqtyń salmaǵy 130 keli bolsa, odan bir jyl burynǵysy 120 keli shyǵypty. Bıylǵy shujyqty jınalǵan qaýymnyń aldyna jetkizýge 14 jigit jumyldyrylǵan.
