Reseıde 28 jeltoqsannan bastap aqsha aıyrbastaý erejeleri ózgertiledi
ASTANA. QazAqparat - Buǵan deıin rýbldi ózge valıýtaǵa aıyrbastaý úshin tólqujat qana kerek bolsa, endi tutynýshylar bankke barlyq jeke málimetterin usynýy tıis, dep habarlady www.24.kz.
Bıliktiń mundaı qadamǵa barýyna ne túrtki boldy? Dúısenbiden bastap reseılikter 15 myń rýblden artyq aqshany aıyrbastaý úshin tólqujattan bólek ózge de qosymsha málimet berip, arnaıy anketa toltyrý kerek. Onda kez kelgen azamat turǵylyqty jerin, salyq tóleýshiniń jeke nómerin kerek bolsa, tipti jumys orny men telefon nómirin qaldyrýy kerek.
- «Mundaı erejelerdiń engizilýi kútilgen edi. Bul naryqqa qatty áser ete qoıady dep oılamaımyn. Bul jańalyqtan keıin rýbl sál quldyrdy. Biraq munaıǵa degen baǵany jáne onyń ósimin eskersek, rýbl jarty paıyzǵa ǵana álsiredi. Jýyq arada ol qaıta qalypqa keledi dep esepteımin. ıAǵnı áser qysqamerzimdi bolmaq», - deıdi ınvestıtsııalyq sarapshy: Tımýr Nıgmatýllın,
Qarjy naryǵyna qatysýshylarynyń pikirinshe, jańa ereje aıyrbas ýaqytyn uzartady. Sondaı-aq nesıe uıymdaryna salmaq túsiredi. Sondyqtan bankter operatsııalardy qolma-qol qarjysyz júrgizýge tyrysatyn bolady. Bul aıyrbastaý beketteriniń azaıýyna alyp kelmek. Al qomaqty qarjysy bar azamattarǵa bırjaǵa baryp, shot ashyp, valıýtaǵa qatysty operatsııalaryn qolma-qol aqshasyz júrgizý tıimdi bolmaq. Memleketke aqsha aınalymyn qatań túrde qadaǵalap, sol arqyly lańkestikti qarjylandyrý men ózge de zańsyzdyqtarǵa jol bermeýge múmkindik týady.
Tımýr Nıgmatýllınniń paıymdaýynsha, budan artyq qatańdatylmaıdy. Sebebi Ortalyq bank valıýta naryǵyn qatty qadaǵalaýdy kózdemeıdi. Bul dúrbeleń týdyrýy múmkin. Sondyqtan naryqty aqylmen basqarǵan durys. Al oıynshylardy aıyrbastyń órkenıetti erejelerine baǵynýǵa shaqyrady, deıdi ol.
Osylaısha, reseılikter jańa erejeni túsinistikpen qabyldady. Jańa júıe engiziledi degen eskertýden keıin de aıyrbastaý beketterinde uzyn-sonar kezek pen dúrbeleń de baıqalmaıdy. foto: burneft.ru
