Reseıde 28 adam mingen ushaq qulap, jolaýshylar túgel qaza tapty

KAMChATKA. TASS-QazAqparat - Kamchatkada joǵalǵan An-26 jolaýshylar ushaǵynyń qaldyqtary tabyldy, dep habarlaıdy QazAqparat TASS agenttigine silteme jasap.

Bul jaıynda aqparat agenttigine «Kamchatka áýe kásiporny» kompanııasynyń bas dırektory Alekseı Hrabrov málim etti.

«Iá, ushaq qaldyqtary tabyldy. Qaı jerde jáne qandaı jaǵdaıda tabylǵanyn aıta almaımyn. Oqıǵa ornyna tańerteń ushaq pen tikushaq ushyp barady» dedi ol.

Tótenshe jaǵdaılar mınıstrliginiń málimetinshe, ushaq áýejaıdan 3,8 shaqyrym qashyqtyqtan, Palana degen eldimekenge jaqyn mańnan tabylǵan.

Apat bolǵan jerge 26 qutqarýshy bara jatyr.

Ushaq endi qonýǵa betalǵanda jartasqa soǵylyp, Ohot teńizine qulap ketken. Eshteńe kórinbeıtin aýa raıy jaǵdaıynda, búıirden jel soǵyp turǵanda qonýǵa tyrysqan ushqysh jartasty baıqamaı qalǵan.

Aıta keteıik, ushaqta 22 jolaýshy men 6 ekpıpaj múshesi bolǵan. Olardyń eshqaısy aman qalǵan joq.