Reseıde 24 jastaǵy boıjetken kredıtin óteý úshin anasy men ata-ájesin pyshaqtap óltirgen
ASTANA. QazAqparat - Chývash Respýblıkasynyń astanasy Cheboksaryda úsh adamnyń ólimine baılanysty tergeý bastaldy. Ázirshe 24 jastaǵy qyz qarjylyq jáne kredıt máselesine baılanysty týyndaǵan qıyndyqtarǵa tóze almaı, anasyn, atasy men ájesin óltirýge bel baılaǵan, dep jazady planet-today.ru.
Tergeý málimeti boıynsha, ótken jyldyń maýsym aıynda 24 jastaǵy qala turǵyny marqumdardyń iri kólemde jınaǵan qarjysy baryn bilip, oǵan ıelik etý úshin qylmysqa barǵan. Osylaısha kredıtiniń qaryzyn tólemek bolǵan. Áýeli 76 jastaǵy ájesin pyshaqtaǵan, keıin 54 jastaǵy anasyn, sońynda 80 jastaǵy atasyn óltirgen. Olar oqıǵa ornynda kóz jumǵan soń boıjetken 125 myń rýbl aqshany ıelengen.
Saraptama nátıjesi boıjetkenniń psıhıkalyq aýytqýshylyǵy baryn, onyń óz isiniń qanshalyqty qaýipti ekenin jete túsinbeıtinin kórsetti. Qazirgi tańda ol májbúrli túrde emdeýge joldandy.
