Reseıde 22 qabatty úıdiń barlyq baspaldaqtary opyrylyp, bir adam qaza tapty
ASTANA. QazAqparat - RF Nıjnıı Novgorod qalasyndaǵy salynyp jatqan kóp qabatty turǵyn úıdiń 22-den 1-shi qabatqa deıingi aralyqtaǵy barlyq baspaldaqtary opyrylyp túsip, bir jumysshynyń ómirin qıdy. Qaıǵyly oqıǵa qalanyń Lenın aýdanyndaǵy «Iıýlskıe dnı» kóshesinde salynyp jatqan «Jıýl Vern» turǵyn úı kesheni quramyna enetin 22 qabatty ǵımaratta boldy, dep habarlady reseılik BAQ.
«Úıdiń ýchaskeleriniń birinde 22-qabattan bastap birinshi qabatqa deıin barlyq baspaldaqtar opyrylyp qulady, astynda bir jumysker qalyp qoıdy. TJ ornyna qutqarý qyzmetteri kelip jetti, oqıǵa ornyn polıtsııa qorshaýǵa aldy. TJM-nyń qyzmetkerleri astynda adam qalyp qoıǵan úıindilerdi ashýǵa kiristi», delingen habarlamada.
Tártip saqshylary bolǵan oqıǵanyń sebepterin anyqtaýda.
