Reseıde 21 jasqa deıin úılenýge tyıym salynbaq
ASTANA. 20 maýsym. QazAqparat - Aldaǵy ýaqytta Reseıde erte úılenýge tıym salynýy múmkin. RF Ádilet mınıstrligi otbasylyq zańnamaǵa ózgerister engizý týraly qujatty daıyndaý ústinde,
dep habarlady Ýtro. rý.
Eger de zań maquldanyp, kópshiliktiń qoldaýyna ıe bolsa, onda tek úılenýge ruqsat 21 jastan bastap berilýi múmkin. Sonymen qatar tym erte jasta ata-ana bolǵan jasóspirimderdiń balalaryn tárbıeleý quqyǵyn úlkenderge berý usynylýda. Mundaı usynystar Sankt-Peterborda ótken quqyqty qoldaný boıynsha konferentsııada aıtyldy.
Aıta keteıik, zańnamaǵa usynylyp otyrǵan bul ózgertýler men tolyqtyrýlar Ádilet mınıstrligimen emes, ǵalym-quqytanýshylarmen jasaldy. Vedomstvo tek qana kelip túsken usynystar men ótinishterdi qarastyrýmen aınalysady.
Avtorlar ózderiniń kózqarastaryn otbasylyq ómirge daıyn bolmaǵanyna qaramastan jas qyzdar men bozbalardyń tym erte kezderinde úılenip, ata-ana mindetterin oryndaı almaýymen, kóp jaǵdaılarda ajyrasýymen baılanystyrady. «Adam ata-ana bolý úshin, ońy men solyn ajyrata alatyndaı eseıýi qajet. Degenmen búgingi kúni jastarymyz erte úılenip, ata-ana atanady», - dedi zańger Vıktorııa Pashkova.
Zańǵa eki ózgertý usynyldy. Onyń birinshisine sáıkes, úılený úshin bireýi 14-te, ekinshisi 16-da bolýy kerek. Ekinshi nusqa aıtarlyqtaı qatań bolmaq. Úılený jasyn 21-ge deıin arttyryp, 16 jastaǵylarǵa turmys qurýǵa ruqsat bermeý sııaqty talaptar qarastyrylǵan. Pashkova bul zańnyń qoldaý tabatynyna kúmánmen qaraıdy, degemen onyń aıtýynsha, tym erte jasta qurylatyn otbasylarǵa tusaý salý qajet.
Qazirgi ýaqytta Reseıde jalpy tártip boıynsha úılený úshin 18-ge kelý kerek. Egerde qandaı da bir eskeriletindeı sebepter bolsa, jergilikti ózin-ózi basqarý organdary 18 jastan kishi jastarǵa otbasy qurýǵa ruqsat berýi múmkin.
