Reseıde 2026 jyly «Molnııa» messendjeri iske qosylady
MÁSKEÝ.KAZINFORM - Reseılik «Molnııa» messendjeriniń iske qosylýy 2026 jyldyń basyna qaldyryldy, bastapqy merzim bıylǵy qyrkúıek bolatyn, dep habarlaıdy agenttik tilshisi TASS-qa silteme jasap.
Messendjerdi iske qosý merziminiń ózgerý sebepterin platforma ókilderi atamady.
Bul qosymsha reseılik «Red soft» kompanııasy men qytaılyq Passion kompanııasynyń birlesken ázirlemesi.
«Molnııa» - kommýnıkatsııa múmkindikterin, áleýmettik kontentti, tólemderdi, transshekaralyq saýdany jáne bızneske arnalǵan servısterdi biriktiretin biryńǵaı platforma.
Messendjerdiń baspasóz qyzmetiniń málimetinshe, servıs jyldam ósip kele jatqan Reseı–Qytaı týrıstik aǵymyna, kásipkerlerge, kontent avtorlaryna, sondaı-aq transshekaralyq qyzmetpen aınalysatyn kompanııalarǵa arnalǵan fýnktsıonaldy sheshim retinde ázirlenip jatyr.
-Biz stýdentter, kásipkerler, týrıster jáne halyqaralyq tsıfrlyq keńistikte ómir súretin barlyq adamdar úshin qajet, qolaıly, qaýipsiz jáne zamanaýı qural jasap jatyrmyz, — dedi «Molnııa»-nyń bas dırektory Mıhaıl Tolpyshkın.
«Molnııa» kompanııasy 2025 jyly sol ataýdaǵy bıznes pen áleýmettik servıster ekojúıesin damytýǵa, sondaı-aq jańa sýper-qosymshany damytýǵa qoldaý kórsetý úshin qurylǵan. «Molnııa» JShS jańa servıstiń áleýmettik quramdas bólikterden bastap bıznes-fýnktsııalar men kontentpen jumys isteýge deıingi barlyq baǵyttaryn qadaǵalaıtyn bolady.
Buǵan deıin Reseı Qytaı azamattary úshin vızalardy alyp tastaǵany habarlanǵan edi.