Reseıde 2018 jylǵy prezıdent saılaýyna 111,5 mln bıýlleten shyǵarylady
ASTANA. QazAqparat - Reseıde 2018 jyldyń naýryzynda ótetin prezıdent saılaýynda 111,425 mln saılaý bıýlleteni shyǵarylady, al shetelde turatyn reseılikterge arnap 1,9 mln bıýlleten basylady.
Sáıkes qaýly Reseı Ortalyq saılaý komıssııasynyń sársenbide ótken otyrysynda qabyldandy, dep habarlaıdy TASS.
Qaýlyda aıtylǵandaı, shalǵaıdaǵy eldi mekenderde merziminen buryn daýys berýge, sondaı-aq sheteldegi reseılikterge arnalǵan bıýlletender 2018 jyldyń 25 aqpanyna deıin, qalǵan bóligi 7 naýryzǵa deıin basyp shyǵarylýy tıis.
RF Ortsaılaýkom tóraǵasynyń orynbasary Nıkolaı Býlaev bıýlletenderdi basyp shyǵarýdyń tıimdi baǵasyn anyqtaý úshin OSK arnaıy monıtorıng júrgizetinin málimdedi.
