Reseıde 2 poıyz soqtyǵysyp, 5 adam qaza tapty
ASTANA. QazAqparat - Máskeý oblysynda eki poıyzdyń soqtyǵysýy saldarynan qaza tapqandardyń sany 5 adamǵa jetti, dep habarlady reseılik BAQ RF ІІM baspasóz qyzmetiniń ókiline silteme jasap.
Aıta keteıik, Máskeý-Kıshınev baǵytyndaǵy jolaýshylar poıyzy men júk poıyzy búgin kúndiz soqtyǵysqan bolatyn. «Aldyn ala málimetter boıynsha 5 adam qaza taýyp, 15 adam jaraqat aldy», - polıtsııa ókili.
Degenmen qaza tapqandar men jaraqat alǵandar jaıyndaǵy aqparat san alýan. Máselen, tótenshe jaǵdaı oryndaǵy jetel shtab 5 adamnyń ólip, 45 adamnyń jaraqat alǵanyn aıtsa, RF Tergeý komıteti derekterine sáıkes 4 adam qaza taýyp, 11 adam jaraqattanǵan. Al Moldavııa Kólik mınıstrligi derekterine sáıkes ólgender sany - 9, jaraqat alǵandar - 15.
