Reseıde 18 ret urlyq jasaǵan ózbek azamaty elordada ustaldy
Nur-Sultan qalasynyń aýmaǵynda jedel-izdestirý sharalaryn júrgizý barysynda memleketaralyq izdeýde júrgen qylmysker, 39 jastaǵy Ózbekstan Respýblıkasynyń azamaty qolǵa tústi.
«2017 jyldyń jeltoqsanynan 2018 jyldyń sáýirine deıin uıymdasqan toptyń quramynda bolǵan er adamnyń Reseı Federatsııasynyń Sverdlov oblysy aýmaǵynda júk kóliginen urlyq jasaǵany anyqtaldy. Kórsetilgen kezeńde ustalǵan azamat basqarǵan toptyń qatysýshylary kólik quraldarynan kem degende 18 ret uıymdardyń múlkin jasyryn urlaǵan», - dep jazdy astanalyq polıtsııa departamenti.
2019 jyldyń shildesinde Reseıdiń Sverdlov oblysy boıynsha quzyrly organdary kúdiktige Reseı Federatsııasy Qylmystyq kodeksiniń 158-baby 4-bóliginde kózdelgen qylmysty jasaǵany úshin memleketaralyq izdeý jarııalaǵan.