Reseıde 17 adam esirtkiden ýlanyp, aýrýhanaǵa tústi
Reseıdiń Astrahan qalasynda 17 adam esirtkiden ýlanyp, aýrýhanaǵa tústi. Bul týraly Astrahan oblysynyń Densaýlyq saqtaý mınıstrliginen málim boldy, dep habarlaıdy Kazinform reseılik TASS agenttigine silteme jasap.
«17-21 qarasha aralyǵynda S.M.Kırov atyndaǵy qalalyq klınıkalyq aýrýhanasyna esirtki jáne júıkege áser etetin zattardan ýlaný belgilerimen 19 adam tústi. Búgingi tańda №3 qalalyq klınıkalyq aýrýhanasynda 17 adam esirtkiden ýlanýyna baılanysty emdelip jatyr. Olardyń arasynda 6 adamnyń jaǵdaıy aýyr, 11 adamnyń jaǵdaıy ortasha»,-delingen habarlamada.
Em patsıentterdiń kópshiligine kómektesti, al eki adamnyń jaǵdaıy qanaǵattanarlyqtaı bolǵan soń, aýrýhanadan shyǵaryldy. Qajetti medıtsınalyq kómek patsıentter reanımobıldermen jáne kóliktermen jetkizilen soń birden kórsetildi.
