Reseıde 15 kún ishinde toǵyz gýbernator qyzmetinen bosatyldy
ASTANA. QazAqparat - 25 qyrkúıekte bastaý alǵan Reseı óńirleri basshylarynyń merziminen buryn otstavkaǵa ketýi Omby oblysyna jetti, dep habarlaıdy VVS.
Aldyńǵy jaǵdaılardaǵydaı, Kreml gýbernator Vıktor Nazarovtyń «óz erkimen» qyzmetinen ketkenin habarlady. Bul sońǵy eki aptadaǵy toǵyzynshy gýbernatordyń qyzmetinen ketýi. Eń alǵashqy bolyp «óz erkimen» Samar oblysynyń basshysy Nıkolaı Merkýshkın ketti.
Buǵan deıin sarapshylar gýbernatorlardyń otstavkaǵa ketý naýqanyn 2018 jyly bolatyn prezıdent saılaýyna daıyndyqpen baılanystyrǵan bolatyn.
