Reseıde 14 jyl buryn joǵalǵan áıel jerlesiniń úıinde buǵaýda bolǵan

ChELıABІ. QazAqparat – Tergeý komıtetiniń qyzmetkerleri «2009 jyly áıeldi urlap jasyrdy» degen kúdikpen Chelıabi turǵynynyń ústinen qylmystyq is qozǵady. Reseı Tergeý komıtetiniń Chelıabi oblysy boıynsha tergeý basqarmasy jarııalaǵan málimetterge sáıkes, áıel jaqynda buǵaýdan bosap shyqqan, dep habarlaıdy QazAqparat TASS-qa silteme jasap.

«Jergilikti turǵynnyń ústinen RF QK 126-baby 2-tarmaǵy «v» tarmaqshasy (adam urlaý) boıynsha qylmystyq is qozǵaldy. Qazir er adam emdeý mekemesinde, ol tártip saqshylarynyń baqylaýyna alyndy», - delingen habarlamada.

Tergeý málimetterine sáıkes, 2009 jyly kúzde Chelıabi turǵyny birge ishimdik ishý syltaýymen jergilikti áıeldi úıine alyp keledi. Sodan beri ol áıeldi úıinde ustaǵan. Psıhıkalyq derti asqynǵan er adam emdeý mekemesine jatqyzyldy, al áıel buǵaýdan bosaı aldy.

Tergeýshiler aıǵaqtar bazasyn tolyqtyrý baǵytynda jumys istep jatyr.

Aıta ketsek, kirpish úı qalanyń sol jaǵalaýynda ornalasqan.

Basqarmanyń baspasóz qyzmeti habarlaǵandaı, tergeý barysynda kúdiktiniń 2011 jyly bolǵan áıel ólimine qatysy bary anyqtalǵan. Áıeldiń denesi bólshektelip, úıdiń jertólesinde kómilgen. Bul fakti boıynsha RF QK 105-baby 1-tarmaǵymen qylmystyq is tirkeldi.