Reseıde 13 myń gektar aýmaqta orman órtenip jatyr
MÁSKEÝ. TASS - QazAqparat - 26 mamyr kúni Reseı Federatsııasynda 64 orman órti tirkelgen. RF ekologııa jáne tabıǵı resýrstar mınıstri Dmıtrıı Kobylkınniń aıtýynsha, tilsiz jaý sharpyǵan aýmaqtyń jalpy kólemi 13 myń gektarǵa jetti, dep habarlaıdy QazAqparat TASS agenttigine silteme jasap.
«Búgingi tańda 64 orman órtenip jatyr. Qyzyl jalynnyń jalpy aýmaǵy 13 myń gektardan asady», - dep málim etti ol.
Kobylkınniń sózine sensek, Reseıdiń tórt sýbektisinde orman órtine baılanysty tótenshe jaǵdaı rejımi engizilgen.
«Baıqalda tolyǵymen, Tyva, Hakasııa jáne Irkýtsk oblysynda bir-bir mýnıtsıpaldy qurylymda tótenshe jaǵdaı jarııalanǵan», - dep atap ótti ol.
